Moderatorja Fjodora Fjora ka fituar pas 16 ditësh betejën me Covid-19. Ajo ka qëndruar gjatë gjithë kësaj kohe e izoluar, larg familjes së saj.
Së fundmi, përmes një postimi në rrjetet sociale, moderatorja ka ndarë me të gjithë ndjekësit eksperiencën e saj me Covid-19 dhe simptomat që ka pasur.
“Kjo ishte pjesa më e tmerrshme largimi i nuhatjes dhe shijes. Para 3 ditësh m’u rikthye nuhatja dhe kur kam ndjerë atë aromën e kafesë, thjesht m’u duk parajsa mbi tokë”, ka thënë moderatorja.
Ndër të tjera ajo ka treguar se nuk e ka kuptuar se nga është infektuar dhe se për 2 javë ka qëndruar larg të birit.
“Kjo është dita ime e parë e lirisë. Mund të shijojë më në fund makinën time, që është bërë zhul. Sot po shijoj diellin, lirinë, kaluan 16 ditë dhe mendoj se mund t’ja lejoj vetes një të dalë për qejfin tim. Më ëshë kthyer edhe nuhatja 95%, kështu që faleminderit o Zot edhe këtë herë”, ka thënë Fjodora.
